EHUren ekimenez, “Mikroskopio basatia” antzerki-performance ikastaro berria eskainiko dute Javier Barandiaranek eta Oier Guillanek Donostian.

MIKROSKOPIO BASATIA antzerki tailerrean Metrokoadrokako bi kide egongo gara gidari, Javier Barandiaran eta Oier Guillan.

SINOPSIA: Norberaren bizitzak ez du interesik. Autobiografia beste edozein material bezain baliagarria izan daiteke eszenan, baina interesgarria dena ez da artista bera, artista horrek eszena gainean material horrekin egiten duena baizik.Antzerki laborategi honetan norberaren etxeko egunerokotasunetik abiatuko gara ekintzailetza eszenikoaren bideetan. Esploratzaileak izango gara etxeko zapatiletan. Formatu txikiko epika bat sortzen ahaleginduko gara. Horretarako, lan eszenikoaren gaineko begirada aldatzen saiatuko gara: nola bilakatu espazio kotidiano bat eszenatoki handi, eta eszenatoki handi bat espazio kotidiano? Nola sortu narrazio bisual eta fisiko bat eskura dauzkagun material gertuenekoekin? Nola anplifikatu material intimo bat, publikoaren begiradan fikzio bilakatu dadin? Nola egokitu ostera material hori, eszenatokiaz aparte edozein espazio motatan erabilgarri izan dadin?